منطلب من المسلم ما يخاف منا، منطلب ما يتطلع فينا بقا بعين عدوّة، خلّي يعرف إنو نحنا لإلو، خلّي يعرف إنو قلبنا معو، خلي يعرف إنو هُوّي منا وفينا، وخلي يعرف إنو نحنا ضدّ أيا تقسيم للبنان، ضدّ خلق أيا كيان طائفي بلبنان، أكيد نحنا ضد الرجعة كمان على التكاذب المشترك القديم، نحنا بدنا نخلق نظام جديد هُوّي يرتاح ونحنا نرتاح وكلنا نعيش بحرية.
نحنا اليوم بحاجة لنرجع للينابيع لنرجع لأصالتنا، لأنو ما حلّت فينا هالكوارث إلاّ وقت يللّي هالينابيع جَفت ووقت يللي تراثنا وتقاليدنا بتعدنا عنون
نحنا ما تعدينا على حدا، نحنا ما تهجمنا على حدا. ياسر عرفات هوي يلّي تحدانا ببيروت مش نحنا يلّي تحدينا بفلسطين، السوريين هني تحدونا ببيروت مش نحنا تحديناهن بالشام.
ما بعتقد إنو المسيح علّم إلا إنو وقت يللي حدا بيجرّب يقضي علينا أو بيجرّب يتعدا علينا أو بيجرب يمحينا من الوجود، المسيح طلب منا إنو نشهد منشانو وهيدا يلّي عم ينعمل بلبنان هيدا يلّي بتأمل إنو الكل يفهمونا مرة، وبيقدّي بقا يتفلسفو علينا ويعطونا نصايح شو كان لازم ينعمل وشو ما كان لازم ينعمل وكيف كان لازم وكيف ما كان لازم، نحنا يلّي عرفنا كيف كان لازم لأنو لو ما عملنا هيك كان راح علينا وما كان في بقا ليوم لا راهبة ولا صليب ولا كاهن
حان لوقت نحدد شو بدنا، وحان لوقت نجاهِر بيلّي بدنا ياه بدون ما نستحي بدون ما نخاف
